Organisatorischi Broblem mit Artikel im .ch

classic Classic list List threaded Threaded
3 messages Options
Reply | Threaded
Open this post in threaded view
|

Organisatorischi Broblem mit Artikel im .ch

Harald Noth
Sali alli,

hit isch in dr Pendler-Zittig .ch e Arikel iber dr Alemannisch Wikipedia
kumme. Leider ischs bi dr Afrog vum .ch bi uns zum e Drunter-un-Driber
kumme. Ich stells emol dar, sowit, wiä ich's weiß.

Am 30. 10. am 12:25 kunnt bi mir e Mail rii ("Hi Harald"), wu e Briäf vu
dr Fraü Müller vum .ch iigfiägt isch: si will "bei einem kurzen treffen
im raum zürich oder per telefon" ebis iber d Als. Wikipedia erfahre. Des
Mail isch unterzeichnet mit "Dein OTRS Benachrichtigungs-Master".

Z Obe am segsi lueg i mi Poscht a. Ich känn OTRS un si Maschter nit. Mir
isch nit bewusst, ass ich mich do agmäldet han. I weiß aü nit, wär des
suscht no bikunnt. Aber i schick sofort e Mail an unser aktivschte un
kompetenteschte Mann z Züri, an dr al-Qamar, un bitt ihne, sich mit dr
Fraü Miller z dräffe. Am 31. 10. am Morge am achti mail i no im
Umschattiger, unserem Mann im Baselbiät, ass er villicht iispringt, wänn
dr al-Qamar ke Zit het. S wär guet, wänn e Schwizer mit däre
Gratiszittig redet, han i dänkt.

Am 31. 10. z Mittag am eins mäldet sich dr al-Qamar bi mir un ka
brichte, "mer werdet voruussichtlich am Samstigmorge e Interview mache".
Wunderbar!

Am Frittig, 2. 11. am 13:38 kunnt wider e Mail vum OTRS-Master an "Hi
Harald", dr .ch suecht e Bild (s Logo) fir dr Artikel. Am 14:30 kunnt
nomol vum OTRS-Master e Mail an mich, wu mit "Hi Manuel" iberschriibe
isch, wus nomol um des Logo goht. Wuni z Obe diä zwo Mail ufgmacht han,
han i, mit Miähji zwar, rüsbikumme, ass des Broblem vum Manuel glest
wore sii mueß. Wunderbar.

Am Sunntig Zobe am segsi mäldet dr al-Qamar: "laider het da mitem
Interview nöd klappet. I ha mit de Frau Müller en Termin abgmacht am
Samstig morge em halbi elfi, si het aber s Telifon nöd abgnoo. I hanere
denn no viermol all füf Minute aaglüütet, aber si nie ume gsii." Dr
al-Qamar het mi drno bittet, mit dr Fraü Müller z schwätze, wänn no
Bedarf isch.

Do hani d Milleri sofort agruefe, aber nit erreicht, un drno e Mail
gschriibe (mit Durchschlag an dr al-Qamar, dr Umschattig un dr Manuel),
ass i fir Üskimpft zur Verfiägig stand. Am Sunntig znacht het si Antwort
gää: "Ich habe auf meine Anfrage hin eine Mail von Manuel Schneider
erhalten, der seine Bereitschaft erklärte mir Auskunft zu geben. Als ein
Tag später der Zürcher Kollege anrief, ging ich automatisch davon aus,
das sei dieselbe Person wie jene von der Mail (Manuel Schneider) und
vereinbarte ein Interview auf Samstag Morgen. Irgendwann bemerkte ich
die Doppelspurigkeit und verabredete dann halt mit Manuel Schneider ein
Interview auf den Samstagmorgen und bat ihn, die Doppelspurigkeit intern
zu klären. Das war der Grund, warum ich den Anruf des Zürcher Kollegen
nicht entgegen nehmen konnte: ich war in jenem Moment am Samstag Morgen
im Gespräch mit Manuel Schneider."

Hit am Morge het sich aü dr Manuel bi mir gmäldet: "Ich han letzschti
Wuche di Aafrog vo de Frau Müller über unseri offizielli Info-Adräss ins
OTRS ine kriegt. Ich ha selli Aafrog denn ganz schnell beantwortet. Zwei
Dag spöter (am Mittwoch z'Obe) lütet mich d'Frau Müller aa un sait, dass
öbber si aaglütte heig, wer sell gsi sig. Han ich nadürlich chei Antwort
chönne geh - woher soll ich wüsse, wer si aaglütte het? Ussem Ticket im
OTRS goht jo au druss hervor, dass ich mi drum chümmeret ha un was ich
ihre gschriebe han.

D Frog isch jetz, was isch do falsch gloffe, was hätt mer kenne besser
mache.

Grueß an alli
Albärt

------------------------
Im Noth Harald si BRIÄF ÜS ALEMANNIÄ - www.noth.net
Alemannischi Wikipedia - http://als.wikipedia.org
Benutzer Albärt uf dr Alemannische Wikipedia - http://als.wikipedia.org/wiki/Benutzer:Alb%C3%A4rt


_______________________________________________
Wikials-l mailing list
[hidden email]
http://lists.wikimedia.org/mailman/listinfo/wikials-l
Reply | Threaded
Open this post in threaded view
|

Re: Organisatorischi Broblem mit Artikel im .ch

Manuel Schneider-3
Solly Harald un alli zämme,

> hit isch in dr Pendler-Zittig .ch e Arikel iber dr Alemannisch Wikipedia
> kumme. Leider ischs bi dr Afrog vum .ch bi uns zum e Drunter-un-Driber
> kumme. Ich stells emol dar, sowit, wiä ich's weiß.

viele Dank für Dini Zämmefassig.
Ich wird des eifach emol kommentiere un Hintergrundinfos aageh. Was ich
schriib isch chei Kritik sondern de Ablauf wie es sunnscht in de andere
Projekt lauft un wie ich mein, dass es au bi uns laufe sott.
Ich weiss, dass jede numme s'beschti het wölle, un sel het jo an sich au
klappt.

> Am 30. 10. am 12:25 kunnt bi mir e Mail rii ("Hi Harald"), wu e Briäf vu
> dr Fraü Müller vum .ch iigfiägt isch: si will "bei einem kurzen treffen
> im raum zürich oder per telefon" ebis iber d Als. Wikipedia erfahre. Des
> Mail isch unterzeichnet mit "Dein OTRS Benachrichtigungs-Master".

Des heisst, dass Du im OTRS (Open Ticket Request System, Name vonere Software
wo mir bi Wikimedia als "Ticketsystem" iisetze) aagmolde bisch.
Sell isch wie ne grosse Briefchaste wo noch Themene - zB. als:wp, de:wp,
Wikimedia CH, Wikimedia Dütschland etc. sortiert wird. Die Chäschte heisse im
OTRS "queue".
Will me do - je noch Berechtigung mehr oder weniger, aber wohl mindestens in
ei queue - Zuegriff uff Date het wo Lüt an d'Wikimedia Foundation oder
s'Wikipedia-Projekt schriibe sin selli Date vetraulich. Numme Lüt wo me
vertraut kriege so ne Zuegang.
Offesichtlich han ich emol - nochdem ich uns scho um e eigeni "info-als"-queue
kümmeret han - Dich als zweite Nutzer aalege lo (sell chönne numme Lüt vo de
WMF).

D' info-als het also es Mail vo de Annette Müller kriegt. Drmit sell au öbber
aaluegt schickt uns de OTRS Benachrichtigungs-Master es Hiewiis. Sell heisst:
Iilogge bim OTRS (URL direkt zuem Ticket stoht jo im Mail) un aaluege was los
isch. Denn sieht mr zuem Bispiel au, dass ich in sellem Fall scho reagiert
ha, Du siesch, dass es Ticket gschlosse worden isch un was ich gschriebe han.

> Am Frittig, 2. 11. am 13:38 kunnt wider e Mail vum OTRS-Master an "Hi
> Harald", dr .ch suecht e Bild (s Logo) fir dr Artikel. Am 14:30 kunnt
> nomol vum OTRS-Master e Mail an mich, wu mit "Hi Manuel" iberschriibe
> isch, wus nomol um des Logo goht. Wuni z Obe diä zwo Mail ufgmacht han,
> han i, mit Miähji zwar, rüsbikumme, ass des Broblem vum Manuel glest
> wore sii mueß. Wunderbar.

Jo, sell war e Nochfroog vo de Redaktion, nochdem ich mit de Müllleri
telifoniert gha ha un ihre Photis, Logos etc. gschickt ha - natürlich au
übers OTRS, drum sieht mer an sellem Ticket jetzt diversi Mails wo ihne un
use gange sin.

> Am Sunntig Zobe am segsi mäldet dr al-Qamar: "laider het da mitem
> Interview nöd klappet. I ha mit de Frau Müller en Termin abgmacht am
> Samstig morge em halbi elfi, si het aber s Telifon nöd abgnoo. I hanere
> denn no viermol all füf Minute aaglüütet, aber si nie ume gsii." Dr
> al-Qamar het mi drno bittet, mit dr Fraü Müller z schwätze, wänn no
> Bedarf isch.

Jo, d'Frau Müller het sich erinneret, dass am Mittwoch z'Morge öbber mitere
zürcher Nummer aaglütte heig, si het abr nit gwüsst wer's war. Ich han des au
nit gwüsst - woher? Ich ha e Aafrog vonere gha un selli beantwortet, dass no
öbber öbbis dodrvo mitkriegt het bzw. aktiv worden isch ohni dass ich drvo
weiss han ich jo nit gwüsst - im Ticket isch jo nüt gsi.

> D Frog isch jetz, was isch do falsch gloffe, was hätt mer kenne besser
> mache.

S'nächst mol eifach alles im OTRS sälber abwickle un nit näbedra dure,
usserdem dürfe eigentlich uff chei Fall interni Mails wiitergleitet werde. In
sellem Fall isch es egal, aber wie gsait, so'OTRS isch es internes Mailsystem
vo de Wikimedia Foundation, do hen nur vertrauti Nutzer Zuegriff, un sell mit
Grund.


--
Regards
Manuel Schneider

Wikimedia CH - Verein zur Förderung Freien Wissens
Wikimedia CH - Association for the advancement of free knowledge
www.wikimedia.ch

_______________________________________________
Wikials-l mailing list
[hidden email]
http://lists.wikimedia.org/mailman/listinfo/wikials-l
Reply | Threaded
Open this post in threaded view
|

Re: Organisatorischi Broblem mit Artikel im .ch

Harald Noth
Sali Manuel un alli andere,

Dankschen fir d Info. I han jetze nomol gluegt un diä dinndruckte
Gleicher im e Art zweite Header gfunde. Do isch tatsächlig drüs viri
gange isch, ass Dü diä Sach scho ibernumme gha hesch. Mi Broblem isch gsii
- ich han des OTRS eifach nit blickt
- wänn i Briäf vu dr Wikipedia bikumm, wu zu  30% uf hochditsch sin un
zu 70% uf Computerwälsch, wir i  unliidig

Was isch suscht falsch gloffe? I find, s wär besser gsii, wänn eber vu
Züri oder üs dr Schwiz diä Journalischti droffe hätt. No wär villicht s
eint oder ander schebs Wort oder Sätzli nit drin - i han do esach
richtig gstellt
http://als.wikipedia.org/wiki/Wikipedia_Diskussion:Pressespiegel//ch-07-11-06
E Schwizer hätt ere villicht glaübwirdiger kenne erkläre, ass do aü
Schwitzer e große Adeil hän un hätt ere villicht besser kenne
verglickere, ass des änewäg ke "Schwizerdischi" Wikipedia isch. I will
aber nit behaüpte, ass dr Manuel do ebis falsch dargstellt het - i weiß
zimli gnaü, ass viil Journalischte "y" verstehn, wämmer "x" sait.

Was ka mer ändere? Villicht sotte mer bim nägschte Dräffe eber ander as
zweite OTRS-Nutzer bstimme. Ich dritt gärn zruck - sofort oder wänns
Dräffe isch.

Grueß
Albärt

------------------------
Im Noth Harald si BRIÄF ÜS ALEMANNIÄ - www.noth.net
Alemannischi Wikipedia - http://als.wikipedia.org
Benutzer Albärt uf dr Alemannische Wikipedia - http://als.wikipedia.org/wiki/Benutzer:Alb%C3%A4rt


_______________________________________________
Wikials-l mailing list
[hidden email]
http://lists.wikimedia.org/mailman/listinfo/wikials-l