Rundbrief

classic Classic list List threaded Threaded
4 messages Options
Reply | Threaded
Open this post in threaded view
|

Rundbrief

Clemens-Valentin Kienzle
Salü,

Hiir e churzi Zämmefassig vo de Diskussione un Projekt wo momentan am Laufe sin:

*Diskussione ufem Stammtisch: S'goht wiider emol um d'Rechfertigung un de Zweck vo dr alemannischi Wikipedia. Unabhängig voneander hen zwei Lüt d'Exischtensberechtigung vo üsrer Wikipedia i Frog gställt; un hen e langi un hitzigi Diskussion losträte.

*Dr Manuel macht jede Monet e Treffe z'Lörrach, lueget bi http://als.wikipedia.org/wiki/Wikipedia:L%C3%B6rrach . Im Auguscht isch's am 24.

*Dr Albärt het uf http://als.wikipedia.org/wiki/Wikipedia:Stammtisch/Houptsytvorschlag e neue, verbesserte Houptsytevorschlag gmacht. Des sot mer bald umsetze.

*I han emol e paar neui Vorlage entworfe: http://als.wikipedia.org/wiki/Wikipedia:Stammtisch#Neui_Vorlage

*Usserdem erriner i no emol a d'Bsunders glungeni Artikel Kandidate: http://als.wikipedia.org/wiki/Wikipedia:Bsunders_glungeni_Artikel_Kandidate .
Momentan sin 13 Artikel akzeptiirt worre; am beschte vorallem dört abstimme wo scho mehreri Lüt defür gstimmt hen. Wenn "Bsunders glunge" immer no s'guet chlingt chönne mer des jo au no emol abschwäche un d'Syte verschiebe uf "Artikel wo empfohle sin" oder au "Artikel wo vo e paar Bnutzer als gar nüt emol so schlächt empfunde werre".

Grüess, Chlämens
--


"Feel free" – 10 GB Mailbox, 100 FreeSMS/Monat ...
Jetzt GMX TopMail testen: http://www.gmx.net/de/go/topmail
_______________________________________________
Wikials-l mailing list
[hidden email]
http://mail.wikipedia.org/mailman/listinfo/wikials-l
Reply | Threaded
Open this post in threaded view
|

Re: Rundbrief

Manuel Schneider-3
Solly Chlämens,

guet, dass Du mol de Rundbrief übrnoh hesch. I ha selle jo eigentlich jedi
Wuche mache wölle, abr do war eifach z'viel z'due.

Ich erlaub mir drwäge mol no e baar Ergänzige z'mache:

- grad jetz (drwäge han i mol Ziit *g*) bin i z'Boston, d Wikimedia Foundation
het mr e Flug zahlt drmit öbber vo Wikimedia CH an de Wikimania isch.

- I ha vom Albärt vor einige Wuche Material kriegt go neui Sprochkarte
z'mache. Uff dem Weg mol e Bestätigung: I ha sell Zueg kriegt un i wird mi
noch mine Pruefige (Septämbr) mol endlich dra mache.

- In de dütsche Wikipedia het öbber de Vorschlag gmacht, dass mr uff
wikipedia.de nit numme umleite duet sondern au e Sprochportal macht wie bi
wikipedia.ch.
Eigentlich isch mer sich einig, e Vorschlag isch au scho umgsetzt worde, abr
won ich am Zischdig zobe mit em Arne un em Matthias Schindler z'Frankfurt
zämmeghockt bi ware di gar nit begeistert. Matthias einersiits ob wirklich
"alli di Dialekt" dört ane ghöre, de Arne het vorallem Problem gha mit de
Syte an sich, er findet dass si grusig ussieht un er wird des numme mache
wenn er "was gscheits" kriegt.
Beteiligt Euch an de Diskussion uff:
http://de.wikipedia.org/wiki/WP:FZW#www.wikipedia.de

> *Diskussione ufem Stammtisch: S'goht wiider emol um d'Rechfertigung un de
> Zweck vo dr alemannischi Wikipedia. Unabhängig voneander hen zwei Lüt
> d'Exischtensberechtigung vo üsrer Wikipedia i Frog gställt; un hen e langi
> un hitzigi Diskussion losträte.
I ha vor einiger Ziit e Mail im OTRS zuegschobe kriegt vom e Verlag us Spanie
(s war abr e dütsche Mitarbeiter) wo au so Froge gstellt het.
I ha mol einiges klar gstellt un es war am End e ganz spannendi Diskussion um
Wikipedia an sich.

I würd bi uns uff so Froge nur kurz un sachlich iigoh, am beste mr legt mol e
Syte a wo sowas eimol richtig erklärt isch (ins Profil?!) un verwiest denn in
de  Diskussione numme no dört ane. Mir muen des nit ständig diskutiere. Mir
wo mitmache wüsse warum. Wenns Lüt git dänne des nit basst denn chönne mir
ine des erkläre, wenn sies denn immer no nig verstoh wenn, denn nutzt au e
Diskussion nüt. Sell isch schad für d'Ziit un mir hens nit nötig do drüber
z'diskutiere. Sell macht mr numme mit Sache wo no nig klar sin.

Grüessly us Boston, grad schwätzt de Jimbo vorne,


Manuel
--
Regards
Manuel Schneider

Wikimedia CH - Verein zur Förderung Freien Wissens
Wikimedia CH - Association for the advancement of free knowledge
www.wikimedia.ch
_______________________________________________
Wikials-l mailing list
[hidden email]
http://mail.wikipedia.org/mailman/listinfo/wikials-l
Reply | Threaded
Open this post in threaded view
|

Re: Rundbrief

Harald Noth
Sali alli!

Manuel Schneider schrieb:
>> *Diskussione ufem Stammtisch: S'goht wiider emol um d'Rechfertigung un de
>> Zweck vo dr alemannischi Wikipedia. Unabhängig voneander hen zwei Lüt
>> d'Exischtensberechtigung vo üsrer Wikipedia i Frog gställt; un hen e langi
>> un hitzigi Diskussion losträte.
>>    
> I würd bi uns uff so Froge nur kurz un sachlich iigoh, am beste mr legt mol e
> Syte a wo sowas eimol richtig erklärt isch (ins Profil?!) un verwiest denn in
> de  Diskussione numme no dört ane.
Ganz mi Meinung. I däts aber nit ins Brofil niischriibe - je lenger ass
säll wird, je wenniger Changse hets, gläse z wäre. Liäber im Brofil  
numme in einem Satz erwähne un e Gleich zu sällere Sitte mache. S sott
eber afange mit sällere Sitte - Argumänt sin in dr Diskussion gnue gfalle.
Mer sotte aü e Vorlag ha, wu mer drum bitte, ass alemannisch diskutiärt
wird. Noch fascht drei Johr un iber 2000 Artikel miäßt doch jetz klar
sii, ass sälli, wu wänn, sich verstehn,  aü wänns uf Alemannisch isch.
Hochditschi Biitreg sotte  in dr  ditsche Wikipedia vereffentligt wäre.
> Mir muen des nit ständig diskutiere. Mir
> wo mitmache wüsse warum. Wenns Lüt git dänne des nit basst denn chönne mir
> ine des erkläre, wenn sies denn immer no nig verstoh wenn, denn nutzt au e
> Diskussion nüt. Sell isch schad für d'Ziit un mir hens nit nötig do drüber
> z'diskutiere. Sell macht mr numme mit Sache wo no nig klar sin.
>
>  
Richtig. Sälli vu dr standardditsche Wikipedia usw. diskutiäre jo aü nit
alliwiil driiber, eb si notwändig isch oder nit.

Griäß-ych wohl
Albärt
_______________________________________________
Wikials-l mailing list
[hidden email]
http://mail.wikipedia.org/mailman/listinfo/wikials-l
Reply | Threaded
Open this post in threaded view
|

Re: Rundbrief

Manuel Schneider-3
Solly zämme,

i bi wiedr zruck vo de Wikimania.
Wenn ihr mol Luscht hen, chönne mer mol e Photi-Obend mache, i han e huffe
Bilder un s verzälle, was war isch eifacher wie 20 Sytene E-Mail
z'schriibe ;-)

> Ganz mi Meinung. I däts aber nit ins Brofil niischriibe - je lenger ass
> säll wird, je wenniger Changse hets, gläse z wäre. Liäber im Brofil
> numme in einem Satz erwähne un e Gleich zu sällere Sitte mache. S sott
> eber afange mit sällere Sitte - Argumänt sin in dr Diskussion gnue gfalle.
> Mer sotte aü e Vorlag ha, wu mer drum bitte, ass alemannisch diskutiärt
> wird. Noch fascht drei Johr un iber 2000 Artikel miäßt doch jetz klar
> sii, ass sälli, wu wänn, sich verstehn,  aü wänns uf Alemannisch isch.
> Hochditschi Biitreg sotte  in dr  ditsche Wikipedia vereffentligt wäre.
Sone Vorlage han i mol aagfange unter [[Vorlage:Alemannisch]]:

"Schön, dass Du Dich bi uns beteilige duesch. Sell isch di Alemannischi
Wikipedia, drum wird bi uns au Alemannisch gschwätzt. Für anderi Sprooche
bsuechsch bitte selleni Heimsytene."

Verbesserige sin willcho.

Selli Vorlag cha mit {{Vorlag}} an de entsprächende Stell iibaut werde.

Gruess,

Manuel
--
Regards
Manuel Schneider

Wikimedia CH - Verein zur Förderung Freien Wissens
Wikimedia CH - Association for the advancement of free knowledge
www.wikimedia.ch
_______________________________________________
Wikials-l mailing list
[hidden email]
http://mail.wikipedia.org/mailman/listinfo/wikials-l