Salli zämme

classic Classic list List threaded Threaded
1 message Options
Reply | Threaded
Open this post in threaded view
|

Salli zämme

Helga Schulz
Ich ha mich uf dere Maillischte mol aagmeldet, wal ich hoff, daß ich
uf die Art d Wikipedia-Aktivischte vo dä allemannisch Wikipedia chönnt
eifacher erreiche.

Ich ha mich döt unterem Bnutzername "Bruni" iiträge und möcht in
nächschtere Zit - s wird sich wohl länger hiziehe - ä weng Artikel
über d Hochrhigegend schriibe. So wienich des bis jetz überblick vo de
Lüt her, wär ich schiints die Erscht, wo en Chleggauer Diäleggt hät.

Ich ha no kei Erfahrig mit Wikis und werd sicher no einige Froge ha,
wenn i druff stoß. Natürlig lueg i erscht emol selber, ob i
dähinterchum, aber bi manche Sache wärs me doch recht, i chönnt direkt
öpper frooge. Mir isch des alles no ziemlich unübersichtlich, mol seh,
villicht git sich des mit dä Zit. E Bnutzersite mit Diskussionssite
hani au aglegt; dä W-j-s hät mer scho gschribe, - merci!

Jedefalls gfallt mer des Projekt "allemannischi Wikipedia" richtig
guet, wal: wo gits suscht scho mol die Glegeheit, daß me so ne Huufe
Dialeggtschpilarte cha seh. Niäne!

Ez, Frog: wird die Mailinglischte denn überhaupt no bnutzt, oder sött
möglichscht alles über d Wikisite (welli gits do, nebe dä
Bnutzerdiskussionssite und Diskussionssite vo Artikel?) laufe? Uf dä
Hauptsite war en Link zuem Newsserver vo gmane aagäh, aber döt wird
nüt me aazeigt, wemmer drufgoht.

Eineweg wünsch ich no än schöne Dag

s Bruni




_______________________________________________
Wikials-l mailing list
[hidden email]
http://lists.wikimedia.org/mailman/listinfo/wikials-l