Zämmekunft vo de Alemannische Stämm z'Oberrotwiil

classic Classic list List threaded Threaded
1 message Options
Reply | Threaded
Open this post in threaded view
|

Zämmekunft vo de Alemannische Stämm z'Oberrotwiil

Manuel Schneider [Everything Open]
Liebi Brüeder un Schweschtere,

am letscht Wuchenend sin mir, Verträter vom Markgräfler, Hochrhiinische,
Kaiserstüehler, West-Allgäuer un Elsässische Stämm, zämmecho go diskutiere un
neui Plän go schmiede.

Als erschts wott i do mol em Albärt merci sage, dass er uns bi sich ufgno un
beschtens versorgt het. Mir hen e glatti Ziit binem gha.

S isch au viel gschafft worde, lueget eifach mol uf
http://als.wikipedia.org/wiki/Wikipedia:Treffen/Frühlingstreffen/Protokoll
dört git e chleis Protokoll was mer so gmacht un beschwätzt hen.

Diskutiert worde isch no viel meh, sell chönnt me abr gar nit alles wiedergeh.
Derwäge hen mir uns bim Protokoll uf di wichtigste un konkrete Sache
iigschränkt.

I wotts do s wichtigste wo ihr au direkt aktiv werde sottet nomol wiedergeh:

- schriibet in Euri Artikel obe ine {{Titel|ALEMANNISCHE TITEL}}, denn stocht
de ALEMANNISCHE TITEL obe in de Übrschrift statt em hochdütsche.

- Lueget Euch unser Konzept für unser Profil a un helfet mit di Stichwörter
(es isch wirklich numme e Konzept!) zueme richtige Text verschaffe.
Sell Profil soll e Leitfade für unseri Arbet an de Alemannischi Projekt un au
e Werbeheftli für uns sii:
http://als.wikipedia.org/wiki/Wikipedia:Profil

- Übrsetige vo neue Wörter (Anglizisme, Neologisme) un vergässe gangeni Wörter
werde uffere Syte gsammelt drmit mer - wenn me wott - wiedr e weng me
Alemannisch schwätze gha:
http://als.wikipedia.org/wiki/Wikipedia:Neologismen

- Wenn d Wikipedia neume im Sprochruum e Verastaltig het, denn sott öbber vo
uns anegoh un au d Alemannischi Wikipedia verträte.
Nächsti Termin:
-- 17. Juni, Wikipedia Day, de ganz Dag z'Züri an de ETH (GEP Pavillon)
-- 15. Juli, Pforzheimer Linux-Infotag, de ganz Dag an de Hochschuel Pforzheim
Informationsmaterial (Spickzettel, Profil, spöter WikiHeftli Alemannisch) sin
in de Machi un bruuche EURI Mithilf.

- Me trifft sich z'Lörrach jede zweite Dunnschdig um siebeni im Nellie
Nashorn. Nächste Termin isch am 1. Juni.

- Im Ruum Lörrach / Schopfe sueche mir immer no interessierti Lüt für e
Alemannischi Redaktion bim Radio. Melden Euch odr gänt mir Kontakt wiiter.

Des wars emol, i versprich Euch (odr machets au ihr ruig) dass mir do öfter
mol so Zämmefassige schicke um Euch un uns uffem Laufende z'halte.

Merci fürs Läse un Gruessly,


Manuel
[[Benutzer:80686]]

PS: Momentan isch mi Adminkandidatur am Laufe uf
http://als.wikipedia.org/wiki/Wikipedia:Administratoren
--
---------------------------------------------------------
All-Things-Open Projektgruppe

[hidden email]
---------------------------------------------------------
-----BEGIN GEEK CODE BLOCK-----
Version: 3.1
GCM d-- s:- a? C++$ UL++++ P+> L+++>$ E- W+++$ N+ o-- K- w--$ O+ M+ V
PS+ PE- Y+ PGP+ t 5 X R UF++++ !tv b+> DI D+ G+ e> h r y++
------END GEEK CODE BLOCK------
_______________________________________________
Wikials-l mailing list
[hidden email]
http://mail.wikipedia.org/mailman/listinfo/wikials-l